Treall

Tabhair dom casúr
nó tua
go mbrisfead is
go millfead
an teach seo,
go ndéanfad tairseach
den fhardoras
'gus urláir de na ballaí,
go dtiocfaidh scraith
agus díon agus
simléir anuas
le neart mo chuid
allais...

Sín chugam anois
na cláir is na tairnní
go dtógfad
an teach eile seo...

Ach, a Dhia, táim tuirseach!

poem by Caitlín Maude from Dánta, Drámaíocht agus Prós
Submitted by Dan Costinaş
| Vote! | Copy!